TÜRKMENISTANYŇ DÖWLET, HUKUK WE DEMOKRATIÝA INSTITUTY
2023-nji ýylyň 20-nji sentýabrynda Adalat köşgünde Türkmenistanyň Ýokary kazyýetiniň, Türkmenistanyň Mejlisiniň we Türkmenistanyň Döwlet, hukuk we demokratiýa institutynyň bilelikde gurnamgynda Türkmenistanyň Garaşsyzlygynyň 32 ýyllygy mynasybetli “Türkmenistanyň Garaşsyzlygy – berkarar döwletiň sarsmaz binýady” atly sanly ulgam arkaly ylmy-amaly maslahat geçirildi.
Maslahata Türkmenistanyň Mejlisiniň deputatlary, kazyýet edaralarynyň we Türkmenistanyň Döwlet, hukuk we demokratiýa institutynyň işgärleri, köpçülikleýin habar beriş serişdeleriniň wekilleri, ýokary okuw mekdepleriniň professor-mugallymlary we talyplar gatnaşdylar.
Ylmy-amaly maslahatyň barşynda Garaşsyzlyk ýyllarynda milli hukuk ulgamynyň, hususan-da kazyýet hakyndaky kanunçylygyň ösüş ugurlary, döwlet dolandyryş ulgamynda sanly ykdysadyýetiň orny, hukuk bozulmalaryň öňüni almak işleriniň guralyşy, Merkezi Aziýa döwletleriniň halkara hyzmatdaşlygynyň ösüş ugurlary boýunça çykyşlar edildi.